Ana səhifəElanlar sa sa 1762
Horizon Avropa çərçivəsində layihələrin hazırlanması üzrə onlayn təlimlər keçiriləcək May 27, 2021 | 09:57

Avropa Komissiyası (AK) Azərbaycan tədqiqatçılarının, dövlət və özəl sektorlardan olan mütəxəssislərin Horizon Avropa Proqramında uğurlu iştirakının dəstəklənməsi istiqamətində fəaliyyətini davam etdirir.

Horizon Avropa çərçivəsində layihələrin hazırlanması üzrə onlayn təlimin 14-18 iyun 2021-ci il tarixlərində keçirilməsi nəzərdə tutulub. Tədbirdə AK-nın ekspertləri tərəfindən Horizon Avropa çağırışlarına uyğun layihə ideyaları olan azərbaycanlı iddiaçılara Avropa Birliyinin tədqiqat və innovasiya şəbəkələrinə inteqrasiya məqsədilə yüksək keyfiyyətli və rəqabətqabiliyyətli Horizon Avropa təkliflərinin yazılması üzrə təlim keçiriləcək.

Təlimlər ingilis dilində keçiriləcək və iştirak edəcək mütəxəssislər müsabiqə yolu ilə AK ekspertləri tərəfindən seçiləcək.

Maraqlananlar 6 iyun 2021-ci il tarixinə qədər bu linkdən qeydiyyatdan keçməlidir.

science.gov.az