AMEA-nın Molekulyar Biologiya və Biotexnologiyalar İnstitutunda 2021/2022-ci tədris ili üzrə yay imtahan sessiyasına başlanılıb. İnstitutda “Molekulyar biologiya”, “Biokimya”, və “Biotexnologiya” ixtisasları üzrə I kursda təhsil alan 6 magistrant imtahanlara buraxılıb.

Bu gün zoom platforması üzərində “Biologiyanın müasir problemləri” ixtisas fənni üzrə imtahan keçirilib. İmtahanda AMEA-nın vitse-prezidenti, institut direktoru akademik İradə Hüseynova iştirak edib və magistrantlara imtahan sessiyasında uğurlar arzulayıb.