“Elm” qəzetinin növbəti sayı işıq üzü görüb
Fev 11, 2022 | 14:00 / Nəşrlər
AMEA-nın Rəyasət Heyətinin həftəlik mətbu orqanı olan “Elm” qəzetinin növbəti sayı işıq üzü görüb.
Qəzetin ilk səhifəsində Prezident İlham Əliyevin “74-cü Beynəlxalq Astronavtika Konqresinin 2023-cü ildə Bakı şəhərində keçirilməsi ilə əlaqədar Təşkilat Komitəsinin yaradılması haqqında” Sərəncamı yer alıb.
Bundan əlavə, AMEA-nın prezidenti, akademik Ramiz Mehdiyevin TÜBİTAK başqanı ilə görüşü, Moskvada “Nizamidən Nəvaiyə qədər: dövrləri bağlayan tellər” mövzusunda keçirilən beynəlxalq elmi-praktik konfrans, Nəsirəddin Tusinin yaradıcılığına həsr olunmuş dəyirmi masa, Naxçıvan Muxtar Respublikasının yaradılmasının 98-ci ildönümü münasibətilə baş tutan tədbir, “Şuşa İli”nin estetikası - məsuliyyətimiz, vəzifələrimiz”, “Azərbaycanın “Qırmızı kitabı” nəşrə hazırlanır”, “Azərbaycan ədəbiyyatı tarixinin IV cildi: erkən yeni dövr və ya erkən realizm dövrü”, “Klassik şeirimizin mahir bilicisi” sərlövhəli məqalələr, nəşrlər, müsabiqələr və s. informasiyalar oxuculara təqdim olunur.
