Bakı Dövlət Universitetinin Biologiya fakültəsinin Biologiya ixtisası üzrə təhsil alan IV kurs tələbələrinin 22 nəfərdən ibarət olan heyəti Molekulyar Biologiya və Biotexnologiyalar İnstitutunda İstehsalat təcrübəsi keçir. Tələbələrin fevral ayının 16-da başlayan təcrübəsi aprelin 4-nə kimi davam edəcək. Onlar İnstitutun müxtəlif laboratoriyalarında aparılan elmi-tədqiqat işləri, müasir cihaz və avadanlıqların iş prinsipi ilə tanış olmaqla yanaşı, aparılan təcrübələrdə bilavasitə iştirak edir və dünya praktikasında tətbiq olunan metodları mənimsəyirlər. Tələbələrlə görüşən MBBİ-nin baş direktoru, akademik İradə Hüseynova Bakı Dövlət Universiteti və ETN Molekulyar Biologiya və Biotexnologiyalar İnstitutları arasında uzun müddət davam edən qarşılıqlı əməkdaşlıq çərçivəsində hər il BDU tələbələrinin İMBB-də istehsalat təcrübəsi keçməsinin elm və təhsilin inteqrasiyası üçün böyük əhəmiyyətini vurğulayaraq, tələbələrə təhsil və tədqiqat işlərində uğurlar arzulayıb.