Hər il aprelin 25-də dünyanın müxtəlif ölkələrində Ümumdünya DNT Günü qeyd edilir. Bu tarix Ceyms Uotson, Frensis Krikin, Moris Uilkins və Rozalind Franklinlə birlikdə DNT molekullarının strukturunun öyrənilməsi istiqamətində apardıqları tədqiqatların nəticələrinin 1953-cü il aprelin 25-də “Nature” jurnalında dərc olunması ilə əlaqədardır. Bu günün qeyd olunmasının məqsədi tələbələrə, müəllimlərə və ictimaiyyətə DNT-nin tədqiqi sahəsində son nailiyyətləri açıqlamaq və əldə edilən nəticələrin həyatımıza təsirini araşdırmaqdır.