Sentyabrın 10-da AR ETN Molekulyar Biologiya və Biotexnologiyalar İnstitutunda “Molekulyar biologiya” və “Biokimya” ixtisasları üzrə 2024-cü il üçün fəlsəfə doktoru hazırlığı üzrə doktoranturaya qəbul imtahanları keçirilib. İnstitutun baş direktoru akademik İradə Hüseynovanın 16 iyul 2024-cü il tarixli 276 və 277 saylı əmrləri ilə hər bir ixtisas üzrə imtahan komissiyaları təşkil olunub.  Səmədova Bahar, Ələkbərova Qönçə və Hüseynzadə Ayan  “Molekulyar biologiya”,  Paşayeva Nuranə isə “Biokimya” ixtisası üzrə imtahan veriblər. Namizədlər imtahanlarda yüksək nəticələr göstəriblər.