Sentyabrın 24-də AR ETN Molekulyar Biologiya və Biotexnologiyalar İnstitutunda Hərbiləşdirilməmiş Mülki Müdafiə Dəstələri ilə xəbərdarlıq toplanışı üzrə məşq keçirilib. Məşqin keçirilməsində əsas məqsəd Mülki Müdafiə dəstələrinin hazırlıq səviyyəsinin yoxlanılması, kritik hallarda fəaliyyətin əlaqələndirilməsi və şəxsi heyətə xəbərdarlıq toplanışı üzrə əməli vərdişlərin aşılanması olub. Tədbirdə həmçinin İnstitutun Mülki müdafiə qərargahının rəisi Mikayıl Paşayev yanğın söndürmə balonlarının iş prinsipi ilə əməkdaşları tanış edib və yanğının söndürülməsi üçün balonların istifadə olunması qaydalarını izah edib. Daha sonra institutun əməkdaşları balonlardan istifadə etməklə şərti yanğını söndürərək praktiki vərdişlərə yiyələniblər.