AR Elm və Təhsil Nazirliyi Molekulyar Biologiya və Biotexnologiyalar İnstitutunun Xloroplastların fotokimyası laboratoriyasının müdiri AMEA-nın müxbir üzvü İbrahim Əzizov, laboratoriyanın aparıcı elmi işçisi, b.ü.f.d, dosent Mayaxanım Xanışova, aparıcı elmi işçi, b.ü.f.d, Ülkər İbrahimova, elmi işçi Könül Tağıyeva Kənd Təsərrüfatı Nazirliyi Əkinçilik Elmi-Tədqiqat İnstitutunun Qobustan Bölgə Təcrübə Stansiyasında elmi ezamiyyətdə olublar. Ezamiyyənin əsas məqsədi Təcrübə Stansiyasında əkilmiş valideyn forma və hibridlərdə bitkinin inkişaf fazalarına, 1m² sahədə bitki sıxlığına və xəstəliklərə davamlılığına görə qiymətləndirmə olmuşdur.  Daha sonra bitkilərdə fotosintetik piqmentlərin miqdarı, yarpaq sahəsi, nisbi su tutumu kimi bir sıra morfofizioloji parametrləri müəyyən etmək üçün nümunələr götürülmüşdür.