sa sa 3096
Professor Faiq Musayevin seminarı keçirilmişdir. + Foto Noy 27, 2017 | 15:23 / Mühüm hadisələr

Amerika Birləşmiş Ştatlarının Virjinia Federal Universitetinin Dərmanların Kəşfi və İnkişafı Şöbəsində çalışan professor Faiq Musayev noyabrın 24-ü AMEA Molekulyar Biologiya və Biotexnologiyalar İnstitutunda olmuşdur.  Alim institutun laboratoriyaları və aparılan elmi-tədqiqat işləri ilə tanış olmuşdur. Struktur Biologiyası sahəsində tanınmış mütəxəssis olan alimin iştirakı ilə zülalların quruluş problemləri və kristalloqrafiyadan istifadə etməklə müasir dərman preparatlarının kəşfi mövzusunda seminar keçirilmişdir. Çıxışı institutun əməkdaşları tərəfindən böyük maraqla qarşılanan Faiq Musayev verilən sualları cavablandırmışdır. Sonda institutun direktoru akademik İradə Hüseynova qonağa öz təşəkkürünü bildirmiş və belə görüşlərin, xüsusilə gənclər üçün böyük əhəmiyyətə malik olduğunu qeyd etmişdir.