sa sa 1882
MBBİ-də fəlsəfə doktoru hazırlığı üzrə doktorantların attestasiyası keçirilib + Foto Fev 19, 2020 | 08:53 / Mühüm hadisələr

17 fevral 2020-ci il tarixində AMEA-nın Molekulyar Biologiya və Biotexnologiyalar İnstitutunda fəlsəfə doktoru hazırlığı üzrə doktorantların attestasiyası keçirilib. İnstitutda 9 doktorant («Molekulyar biologiya” ixtisası üzrə -4, “Biotexnologiya” ixtisası üzrə 2, “Biokimya” ixtisası üzrə 2, “Riyazi biologiya, bioinformatika” ixtisası üzrə 1 doktorant) elmi-tədqiqat işləri üzərində çalışır. İnstitutun direktoru akademik İradə Hüseynovanın 04 fevral 2020-ci il tarixli 23 saylı əmri ilə yaradılmış Attestasiya Komissiyası qarşısında doktorantlar 2019-cu tədris ili ərzində yerinə yetirdikləri elmi-tədqiqat işləri haqqında hesabat verib, fərdi iş planlarında nəzərdə tutulmuş işlər, konfrans və təcrübəkeçmələrdə iştirak, çap işləri müzakirə edilib. Attestasiya Komissiyasının qərarı ilə fərdi iş planlarında nəzərdə tutulan işləri tam həcmdə yerinə yetirildiyindən doktorantların növbəti tədris ilində təhsillərini davam etdirməsi tövsiyə olunub.