Akademik Ramiz Mehdiyevə təbrik məktubu göndərilib
Okt 13, 2020 | 18:40 / Mühüm hadisələr
Xəbər verdiyimiz kimi, bu yaxınlarda AMEA-nın prezidenti, akademik Ramiz Mehdiyev Beynəlxalq Elmlər Akademiyaları Assosiasiyasının (BEAA) həqiqi üzvü seçilib. Bu məqsədlə BEAA-nın rəhbəri, Belarus Milli Elmlər Akademiyası Rəyasət Heyətinin sədri, akademik Vladimir Qriqoryeviç Qusakov tərəfindən akademik Ramiz Mehdiyevə təbrik məktubu göndərilib.
Məktubun mətnini təqdim edirik:
Azərbaycan Milli Elmlər Akademiyasının prezidenti, Beynəlxalq Elmlər Akademiyaları Assosiasiyasının həqiqi üzvü, akademik Ramiz Mehdiyevə
Hörmətli Ramiz müəllim!
Sizi Beynəlxalq Elmlər Akademiyaları Assosiasiyası və şəxsən öz adımdan BEAA-nın həqiqi üzvü (akademiki) seçilməyiniz münasibətilə ürəkdən təbrik edirəm!
Sizin elmi fəaliyyətiniz birbaşa Azərbaycan Milli Elmlər Akademiyası ilə bağlıdır. Biz Sizi ölkələrimizdə və xaricdə tanınan görkəmli dövlət xadimi, çoxşaxəli elmi maraqları olan alim kimi tanıyırıq və hörmət edirik.
Yorulmaz və səmərəli elmi fəaliyyətinizlə Siz dövlət ideologiyasının elmi və fəlsəfi əsasları və sosial-siyasi elmin inkişafı sahəsində elmi məktəbin yaradılmasına böyük töhfələr vermisiniz.
Yeni elmi istiqamət olan Azərbaycan dövləti və cəmiyyətinin dayanıqlı inkişafı və modernləşdirilməsinin fəlsəfi konsepsiyasının formalaşması Sizin adınızla bağlıdır.
Sizi hər zaman yenilik hissi, elmi yanaşma və maraqların genişliyi, fundamental tədqiqatların praktik ehtiyaclara yönəldilməsinin zəruriliyinə əminlik fərqləndirib. Sizin tədqiqatlarınızın nəticələri dünyada geniş tanınır. Elmdə gənc nəslin hazırlanmasına ayırdığınız diqqətə görə Sizə minnətdarıq.
“İstiqlal” ordeni (2008), “Dostluq” ordeni (2008), “Şərəf” ordeni (2013), “Şöhrət” ordeni (2018), “Heydər Əliyev” ordeni (2019), professor adının verilməsi, AMEA-nın akademiki seçilməyiniz – bütün bunlar Sizin elmi, elmi-pedaqoji və ictimai fəaliyyətinizin hökumət, ölkənin elmi ictimaiyyəti və Azərbaycan Respublikasının rəhbərliyi tərəfindən layiqincə qiymətləndirildiyinin parlaq nümunəsidir.
AMEA-nın akademiki, professor, çoxsaylı elmi əsərlərin müəllifi olaraq Siz elmə sədaqət nümunəsi kimi həmkarlarınızın rəqabətini qazanmısınız.
Elmi ictimaiyyət Sizin geniş elmi-təşkilati və ictimai fəaliyyətinizi yüksək qiymətləndirir. Əminəm ki, BEAA çərçivəsi altında müştərək fəaliyyətimiz səmərəli olacaq.
Sizin BEAA-nın akademiki seçilməyiniz haqqında BEAA Şurasının Minskdə keçirilən 33-cü iclasında qəbul edilmiş BEAA Şurasının 30 sentyabr 2020-ci il tarixli 319 saylı Qərarı məktuba əlavə olunur. Diplom və müvafiq atributlar BEAA Şurasının Minskdə keçiriləcək 34-cü iclasında təqdim ediləcək.
Dərin hörmətlə,
V.Q.QUSAKOV, BEAA-nın rəhbəri, Belarus Milli Elmlər Akademiyasının Rəyasət Heyətinin sədri, akademik
